ನಲವತ್ತೇಳು

 

ಪಾಡಿದರು ಮಂಗಳವ|ಕೂಡಿ ನಾರಿಯರೆಲ್ಲ||ಪ||

ಸಡಗರದಿ ಒಡೆಯ ಶ್ರೀಕೃಷ್ಣ ಸಲಹೆಂದು||ಅ.ಪ||

ಮಡುವಿನೊಳಿದ್ದ ಮಚ್ಚಕ ರೂಪನಿಗೆ|

ಪಿಡಿದು ಬೆಟ್ಟವ ಬೆನ್ನೊಳು ಪೊತ್ತವಗೆ|

ಪೊಡವಿಯ ದಾಡೆಯೊಳೆತ್ತಿ ಪಿಡಿದವಗೆ|

ಒಡೆದು ಕಂಬದಿ ಪ್ರಕಟವಾದವಗೆ||ಪಾಡಿದರು||

ಅಡಿಯ ರಕ್ಕಸನ ಶಿರದಿಯಿಟ್ಟವಗೆ|

ಕೊಡಲಿಯ ಪಿಡಿದು ನೃಪರ ಕಡಿದವಗೆ|

ಮಡಿಯನ್ನುಟ್ಟು ಕಾಡನು ಸೇರಿದಗೆ|

ಗಡಿಗೆಯನೊಡೆದು ಬೆಣ್ಣೆಯ ಕದ್ದವಗೆ|ಪಾಡಿದರು|

ಒಡನೆ ತ್ರಿಪುರಾಸುರರ ತರಿದವಗೆ|

ಕಡೆಯೊಳು ವಾಜೀಯ ತಾನೇರಿದಗೆ|

ಬಿಡದೆಹತ್ತವತಾರದೊಳು ಪೊರೆಯುವ|

ಒಡೆಯ ಸಿರಿ ಮಾತರೀಶ ವಿಠಲನಿಗೆ||ಪಾಡಿದರು||