ಹದಿನೆಂಟು

 

ನಾಚುವುದೇತಕೆ ಮನವೇ|

ಸಚ್ಚಿದಾನಂದನ ನೆನೆಯಲು||ಪ||

ಉಚ್ಚ ನಾಮವಿದು ಜಗದೊಳು|

ತುಚ್ಚತನವನ್ನು ನೀಗುವ ಮೆಚ್ಚಿನಕ್ಷರವು.||ಅ.ಪ||

ಹೇಸು ಜೀವವ ನಾನೆಚ್ಚಿ|

ಘಾಸಿಗೊಂಡೆನೊ ಈ ಭವದಿ|

ವಸುಧೆಯೊಳಗಿನ ರೋಗವನು|

ವಾಸಿ ಮಾಡಿ ಸಲಹುವ ಸಿರಿ ಸಾಸಿರ ನಾಮ.||ನಾಚು ||

ಮಲ ಮೂತ್ರ ಕ್ರಿಮಿ ಕೀವು|

ಹೊಲಸುದುಂಬಿದ ಈ ಜೀವ|

ಬಲಿದು ಚರ್ಮ ಹೊಲಿದ ಹೊರೆಯು|

ಒಲಿದು ಸಲಹುವ ಬಲುಬಲದ ಸುಲಭದಕ್ಷರವು.||ನಾಚು ||

ಅತಿ ಕಾಮ ಮೋಹದಿಂ ಸಿರಿ|

ಮಾತರೀಶ ವಿಠಲನೆನ್ನದೆ|

ಘಾತುಕತನದಿ ಮಾಡಿ ತಪ್ಪಿ|

ಸೋತು ಹೋದನ ಪಿಡಿದೆತ್ತಿ ಸಲಹಿದ ನಾಮ.||ನಾಚು ||