ಐವತ್ತೆರಡು

 

ಹರಿ ನಾಮವೆಂಬೊ ತರಂಗಿಣಿ |

ಹರಿಯುತಲಿಹುದು|

ಗುರು ಮಧ್ವ ವರ್ಷ ಧಾರೆಯಿಂದ||ಪ||

ದುರಿತ ಭವತಾಪ ರಾಶಿ ಕೊಚ್ಚಿ|

ನಾರಾಯಣ ನಾಮ ವಾರಿಧಿಯ ಸೇರುತಿಹುದು||ಅ.ಪ||

ಹರಿನಾಮದೊರತೆ| ನೀರ ಹಾಯಿಸುತ|

ಪರಮಪದವಿಯನು| ಸೇರುವುದಕೆಂದು||ಹರಿ||

ಹುಟ್ಟೆಂಬ ನೌಕೆಗೆ| ಇಟ್ಟು ಪಟಹಾಯಿ|

ಹುಟ್ಟು ಹಾಕಿ ದಡ| ಮುಟ್ಟುವುದಕೆಂದು||ಹರಿ||

ಬೆಪ್ಪ ನಾ ಕೂತು| ತೆಪ್ಪನೇರದಲೆ|

ತಿಪ್ಪೆ ಸೇರಿದೆನೊ| ಮುಪ್ಪು ತಾನೆರೆದು||ಹರಿ||

ಗುರು ಮಾತರೀಶ| ವರ ವಿಠಲ ರಾಯ|

ಕರೆದು ಭವ ತೀರ| ಸೇರಿಸುವೆನೆಂದು||ಹರಿ||