ಹತ್ತು
ನಿನ್ನ ಒಡನಾಟ ಸಿಗುವುದಾದರೆ|
ಇನ್ನೊಂದು ಜನ್ಮ ವೆನಗಿರಲಿ ||ಪ||
ಪನ್ನಗಶಯನ ಸಿರಿ ಮಾತರೀಶ|
ಎನ್ನೊಡೆಯ ನೀನಯ್ಯ ಹರಿಯೆ||ಅ.ಪ||
ಕಲ್ಲಾಗಿ ಪುಟ್ಟಿದರೆ |
ಒಳ್ಳೆ ಮೂರುತಿ ಮಾಡು|
ಧೂಳಾಗಿ ಪುಟ್ಟಿದರೆ|
ಹೊಳೆವ ಪಾದವ ನೀಡು|
ಮೊಳೆಯಾಗಿ ಪುಟ್ಟಿದರೆ|
ಕೀಲಾಗಿ ಗುಡಿಯೊಳಗೆ ಇರಿಸಯ್ಯ|
ಪುಲ್ಲಲೋಚನ ಘನ್ನ ಮಹಿಮನೇ ||ನಿನ್ನ||
ಅಳುವಾಗಿಸಲು ಎನ್ನ|
ಗೋಳಿಡುವೆ ನಿನಗಾಗಿ|
ಗಾಳಿಯಾಗಿ ಬಳಿಯೊಳ್|
ಸುಳಿದಾಡುತಲಿರುವೆ|
ತಾಳೆಗರಿಯೊಳಗೆನ್ನ|
ಎಳೆಯ ಅಕ್ಷರಗೊಳಿಸಿ ಬರೆಸಯ್ಯ|
ಬಾಲನಿಗೊಲಿದ ಘನ್ನ ನರಸಿಂಹ ||ನಿನ್ನ||
ಬಾಳೆ ನಾರಾಗಿಸಲು|
ಮಾಲೆಯಾಗುವೆ ನಿನ್ನ|
ಹಳೆಯ ಬೂದಿಯಾಗಿಸೆ|
ತೊಳೆವೆ ಪಂಚಪಾತ್ರೆಯ|
ಎಳೆನೀರಾದೆ ಅಭಿಷೇಕಕಯ್ಯ|
ಏಳು ಮಲೆಗಳೊಡೆಯ ವೆಂಕಟೇಶ ||ನಿನ್ನ||
ಏನಾದರೂ ನಿಮ್ಮ|
ಗಾನ ಮಾಳ್ಪರ ಸಂಗ|
ಅನುಗಾಲ ನೀಡುವುದು|
ಮಾನದಿಂ ಕಾಯುವುದು|
ನಿನ್ನ ಮೇಲಣ ಆಣೆಯಿಹುದೆನ್ನ|
ಘನ್ನ ಮಹಿಮ ಮಾತರೀಶ ವಿಠಲ||ನಿನ್ನ||
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ