ಹದಿಮೂರು
ಅರಸಬನ್ನಿರೆ ನೀರಜಾಕ್ಷಿಯರೆಲ್ಲ|
ಅರವಿಂದಲೋಚನನ ಕರೆಯಬನ್ನಿರೆ||ಪ||
ತೊಟ್ಟಿಲೊಳಾಡುತ ಇದ್ದಾತ|
ಮೆಟ್ಟಿಲೊಳಿಳಿದು ಪೋದನೇ|
ಕಟ್ಟಿಗೆ ರಾಶಿ ಹಿಂದಡಗಿ|
ಅಟ್ಟದಾ ಮೇಲೋಡಿದನ||ಅರಸಬನ್ನಿರೆ||
ತುತ್ತ ಕೊಡುತಿರಲಾ ಚೋರ|
ಮತ್ತೆಲ್ಲಿ ಓಡಿ ಪೋದನೆ|
ಹುತ್ತ ಹಾವಿನ ಮೇಲೇರಿ|
ತತ್ತತ್ತೆಂದು ನಲಿಯುವವನ||ಅರಸಬನ್ನಿರೆ||
ಹಾಲು ಮೊಸರಿನ ಬಳ್ಳಗಳ|
ಕಲ್ಲು ಕೋಲಿನಿಂದ ಕೆಡವಿ|
ಮೆಲ್ಲ ಬೆಣ್ಣೆಯ ಮೆಲುತಿರುವ|
ಗೊಲ್ಲ ಗೋಪಾಲಕೃಷ್ಣನ||ಅರಸಬನ್ನಿರೆ||
ಸೊಕ್ಕಿದ ರಕ್ಕಸರ ನೆಗಹಿ|
ರಕ್ಕಸಿಯ ಮೊಲೆ ಕುಡಿದವನ|
ಶಕಟಾದಿ ಅಸುರರ ಕುಟ್ಟಿ|
ನಕ್ಕು ನಗುತಿರುವ ಬಾಲನ||ಅರಸಬನ್ನಿರೆ||
ಅತುಳಬಲದಿ ಗಿರಿಯನೆತ್ತಿ|
ಸತತ ಧಾರೆಯ ನಿಲಿಸಿದನ|
ಹತ್ತವತಾರ ತಳೆದ ಸಿರಿ|
ಮಾತರೀಶ ವಿಠ್ಠಲನ್ನ||ಅರಸಬನ್ನಿರೆ||
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ