ನಾಲ್ಕು

 

ನಖಶಿಖಾಂತ ನೀನೆ ತುಂಬಿರಲು

ಸುಖವಾಗಿ ಇರುವೆನಯ್ಯ ಖಗವಾಹನ||ಪ||

ಶಿರದೊಳಗೆ ಧ್ಯಾನವು

ಎರಡು ನೇತ್ರದೊಳಗೆ

ಮೂರುತಿ ನಿನ್ನ ಹುದುಗಿ

ಕೀರುತಿಯ ಬಾಯಿ ಪಾಡುತಿರಲಿ||ನಖಶಿಖಾಂತ||

ಕಿವಿಗಳೆರಡಲಿ ಸದಾ

ಸವಿ ನಾಮವದು ನಿನ್ನ

ಅವಿರತವಾಗಿ ನೆಲೆಸಿ

ಸುವಿಚಾರ ಎನ್ನ ಮನದೊಳಿರಲಿ.||ನಖಶಿಖಾಂತ||

ನಾಲಗೆಯೊಳು ಭಜನೆಯು

ಕಾಲನಡಿಗೆ ಯಾತ್ರೆಯು

ತಲೆಯೊಳ್ ಮಂತ್ರಪಠಣ

ಕಲ್ಲು ಹೃದಯವನು ಕರಗಿಸಲಿ.||ನಖಶಿಖಾಂತ||

ನಿನ್ನ ಸಂಶಯಿಸುವರ 

ಬೆನ್ನ ಬಿಡದೆ ಕಾಡುವೆ

ಘನ್ನ ಮಹಿಮನ ಕರುಣೆ

ಎನ್ನೊಳಧಿಕವಾಗಿರಲಿ ಹರಿಯೆ.||ನಖಶಿಖಾಂತ||

ಕರಮುಗಿದು ಬೇಡುವೆನು

ಹರಿಚರಣಕೆರಗುತಲಿ

ಬಾರಿ ಬಾರಿಗೆ ನೆನೆವೆ

ಸಿರಿ ಮಾತರೀಶ ಪೊರೆಯುತಿರಲಿ.||ನಖಶಿಖಾಂತ||